Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
la Nederlanda ĵurnalo Volkskrant
https://www.volkskrant.nl/buitenland/trumps-presidentschap-blijkt-fnuikend-voor-amerika-s-rol-als-wereldleider-duitsland-en-china-streven-vs-voorbij~a4559048/
tradukis ĝin (el la Nederlanda en Esperanton) Toon Witkam

Germanio kaj Ĉinio preterpasas Usonon

En la okuloj de la resto de la mondo, Germanio preterpasis la Usonon por la unua fojo, se temas pri ties rolo kiel monda gvidanto.

Volkskrant 19 januaro 2018

 

Fare de  Bert Lanting


Ekde prezidento Trump sidas en la Blanka Domo, konfido en la gvidado de Usono malgrandiĝis draste. Laŭ enketo de Gallup en 134 landoj, nur 30% de la enketitaj havas pozitivan bildon pri la rolo de Usono.

Tio estas sufiĉe pli malalta ol en 2016, la lastan jaron ke la antaŭulo de Trump, Barack Obama, sidis en la Blanka Domo. Tiam la Usono akiris ankoraŭ 48 procentojn. La Usono havas nun pli malaltan reputacion ol en 2008, la lasta jaro de prezidento George W. Bush.

Anstataŭ Usono, Germanio staras nun, kun 41 procentoj, ĉe la supro de la ranglisto. Rimarkinde estas ke Ĉinio nun iom pli alte estas taksata kiel monda gvidanto ol Usono (31 procentoj kontraŭ 30 procentoj). Eĉ Rusio kun 28 procentoj ne perdas la kalkanojn de Usono el la vido

La ‘America First’-politiko de Trump, kaj liaj Twitter-eksplodoj, kaŭzis akran kreskon de la nombro da homoj kiuj pripensas la rolon de Usono negative sur la monda scenejo. Mezume 43 procentoj havas negativan bildon, 15 procentojn pli ol sub Obama en 2016. Trump povas ja konsoli sin per la ideo, ke la aprezo por Usono en la Rusio de prezidento Putin iom pliiĝis: de 2 ĝis 8 procentoj.

Speciale en sia propra kontinento la Usono perdis multan subtenon. En Meksiko, la enmigrad-politiko de Trump kaj liaj planoj por muro laŭlonge de la limo sendube grave rolas, sed ankaŭ la minaco de Trump por nuligi la NAFTA[i]-liberkomerc-traktaton kontribuis al akra malkresko en la prestiĝo de Usono.

En Kanado, unu el la plej intensaj Usonaj aliancanoj, la estimo por Usono malpliiĝis signife en unu jaro: de 60 procentoj ĝis 20 procentoj. En Meksiko, ankoraŭ nur 16 procentoj pensas pozitive pri Usono, kontraŭ 44 procentoj sub Obama.

Klimata interkonsento de Parizo

Ankaŭ ĉe la Eŭropaj aliancanoj, Trump perdis multan bonvolon pro sia politiko, kiel la decido elpaŝi el la klimata interkonsento de Parizo. En la lasta jaro de Obama, Usono ricevis de 44 procentoj de la enketintoj pozitivan prijuĝon, kontraŭ 36 procentoj negativaj. Nun tio estas tute renversita: 56 procentoj negativaj kontraŭ 25 procentoj pozitivaj.

Nederlando estas unu el la Eŭropaj landoj, kie la aspekto de Usono suferis la plej damaĝon ekde la enoficiĝo de Trump. Nur 21 procentoj (antaŭe 59 procentoj) havas pozitivan imagon de la rolo de Usono kiel monda gvidanto, kontraŭ 74 procentoj negativaj.

Lumpunkteto por Trump estas Afriko. Tie ankoraŭ 51 procentoj pensas pozitive pri la rolo de Usono, sed estas imagebla ke ankaŭ tie la ciferoj malsupreniros kiel rezulto de la pridisputata rimarko de Trump pri enmigrintoj el Afrikaj landoj, kiujn li malakceptis kiel ‘shitholes’.

Estas nur kvar landoj, kie la aprezo por la tutmonda rolo de Usono pliiĝis signife: Israelo, Liberio, Makedonio (kiu volas iĝi membro de NATO) kaj Belorusio. Tiu lasta lando esperas ekhavi pli da spaco por manovri, se la rilatoj inter Moskvo kaj Vaŝingtono pliboniĝas.

La demando estas ĉu Trump multe atentos malbonajn eksterlandajn ciferojn, ĉar finfine koncernas lin kaj liajn apogantojn plej unue la Usono. Sed tio ja montras, ke la ‘soft power’ de Usono malpliiĝas rapide. Vaŝingtono ne sen io plu povas esti certa pri bonvolo, eĉ ne ĉe siaj tradiciaj amikoj.

 

 

[i] NAFTA = North American Free Trade Agreement

 

 

Ĉiuj artikoloj   |  




© februaro 2018 Toon Witkam | Powered by RosyGrass
Hosted by Bluehost.com