Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
la Nederlanda ĵurnalo Volkskrant
https://www.volkskrant.nl/tech/facebook-erkent-dat-sociale-media-als-facebook-mensen-ongelukkig-kunnen-maken-de-oplossing-meer-facebook~a4546459/
tradukis ĝin (el la Nederlanda en Esperanton) Toon Witkam

Malfeliĉa pro Facebook? Tiam pli da Facebook!

Facebook estas trovinta la solvon por ĉiuj problemoj, kiujn sociaj amaskomunikiloj kiel Facebook en la socio ankaŭ kaŭzas. La solvo estas: pli da Facebook.

Volkskrant 19 decembro 2017

 

Fare de Jochem van Staalduine


Ĉu Facebook-uzantoj estiĝas pli malfeliĉaj kiam ili sencele rulumas tra sia templinio? Lasu ilin mem meti pli da ĝisdatigoj, por ke ili mem ekhavos la ‘likes’ kaj elvenos el sia izoliteco. Ĉu Facebook faciligas ke grupoj en la socio izolas sin unu de la alia, enfermante sin en sia propra amaskomunikil-bobelo? Intensa uzo de ciferecaj komunumoj kiel Facebook povas la reduktitan komunumsenton en la socio kompensi.

Ekde la somero Facebook ĝisdatigas blogon kun la titolo ‘Difficult Questions’. Ĝi ne estas ordinara promocio de Facebook, sed science bazita analizo de la problemoj kiujn sociaj amaskomunikiloj povas kaŭzi aŭ plifortigi. Kunlaborantoj de Facebook agnoskas en la artikoloj, ke la sociala reto eble kontribuas al negativaj sociaj evoluoj. Rimarkinde ofte, la solvo por la identigitaj problemoj evidente ne troviĝas en evitado de Facebook, sed ĝuste en pli intensiva uzado de ĝi.

Ekzemple Facebook konsentas ke sociaj retoj faras la instigadon de malamo multe pli facila. La solvo laŭ Facebook: pli intensiva uzo de Facebook, tiel ke aĉaj tekstoj povas esti pli rapide rekonataj, kaj la malbonaj mesaĝoj povas esti repuŝataj.

Facebook povas esti malbona por infanoj, tion Facebook agnoskas en sia entreprenblogo. Sed ekzistas solvo: Facebook evoluigis ‘Messenger Kids’. Per tio povas infanoj komuniki sekure, kaj babili inter si.

 

Moderna homo estas 'kune sole'

La plej freŝdata blogmesaĝo estas de ĉefesploristo David Ginsberg kaj esploristo Moira Burke, ambaŭ dungitoj de Facebook. Ili verkas tekstojn pri la prizorgemo de uzantoj rilate al la efiko de sociaj amaskomunikiloj sur sia mensa sano. Ginsberg kaj Burke citas psikologon kiu konkludas ke la moderna homo estas 'kune sole' pro multspeca telefonuzo, do ne komunikas kun la homoj ĉirkaŭ li, ĉar li daŭre rigardas sian smartfonon. Alia psikologo rilatigas deprimon inter dekkelkjaruloj kun la uzado de moderna teĥnologio. Facebook-uzantoj kiuj pasive rulumas tra sia templinio kaj ĉefe uzas sian profilon por ‘to like’ la mesaĝojn de aliuloj, sentos sin pli malbonaj, la Facebook-esploristoj agnoskas.

Bona kialo por iam ĉesigi Facebook-on, ŝajnas tiam la logika konkludo. Ginsberg kaj Burke prezentas alian sugeston: la pasiveco de la Facebook-uzanto estas la problemo. Uzantoj kiuj sentas sin malbone, devus pli ofte mem sendi mesaĝojn, postlasi komentojn, kaj sendi personajn noticojn al homoj.

 

 

 

 

Ĉiuj artikoloj   |  




© januaro 2018 Toon Witkam | Powered by RosyGrass
Hosted by Bluehost.com