Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
la Nederlanda ĵurnalo Volkskrant
https://www.volkskrant.nl/media/oud-facebooktopman-roept-op-te-stoppen-met-sociale-media-je-wordt-geprogrammeerd~a4545055
tradukis ĝin (el la Nederlanda en Esperanton) Toon Witkam

Eks-pintulo turnas sin akre kontraŭ Facebook

Volkskrant 13 decembro 2017

 

Fare de  Bard van de Weijer
en Amsterdamo


"Mi sentas min ege kulpa, ke mi kunhelpis krei ĉi tiun entrepreno. Ni estas kreintaj ion, kio disŝiras la socialan strukturon en la socio. Mi ne uzadas tiun shit, miaj infanoj ne rajtas uzadi tiun shit."

Chamath Palihapitiya, eksa vicprezidanto por ‘uzantokresko’ ĉe Facebook, havas profundajn kulposentojn pro tio ke li kontribuis al la sukceso de la sociala amaskomunikilo. Palihapitiya pasintmonate alvokis studentojn de la Stanford Graduate School of Business ("vin kiel estontajn gvidantojn de la mondo") por ĉesigi la uzadon de sociaj amaskomunikiloj. "Se vi nutras la beston, ĝi pereigos vin." Li faris tio jam pasintmonate, sed ĝi fariĝis konata nur ĉi-semajne.

Ne nur devas homoj ĉesi kun Facebook, sed kun ĉiuj sociaj konektitaj retoj, kiuj per siaj sklaviĝantaj dikfingretoj, likes kaj koretoj havas malstabiligan efikon sur socioj. Socialaj medioj malhavas eniĝon en la socion kaj ne kontribuas al burĝa kunlaborado, Palihapitiya diris. Laŭ li, ili antaŭenigas la disvastigon de misinformoj kaj mensogoj. Tutmonda problemo, laŭ Palihapitiya, kiu atentigis pri okazaĵo pasintprintempe en vilaĝeto en Hindio, ĉe kio senkulpuloj estus linĉitaj, postkiam ili en falsaj mesaĝoj sur WhatsApp estis akuzitaj pri kidnapado de infanoj. Imagu ja, kiel malbonintenculoj nun kapablas uzi grandajn homamasojn por ĉio ajn, kion ili volas.


La eksa pintulo diras ke li jam dum jaroj ne plu uzas socialajn mediojn, kaj kun sia kritiko li ariĝas en la vico de homoj kiuj rigardas socialajn mediojn  – antaŭ kelkaj jaroj ankoraŭ laŭditajn pro ties bonefika influo sur la Araba Printempo –  nun kiel la malbono, anstataŭ la bono. "Vi ne konscias tion, sed vi estas programataj, eĉ se tio ne okazas konscie."

Antaŭe deklaris eksa produktmanaĝero Antonio García Martínez ke Facebook mensogas pri la ebloj kiujn la entrepreno havas por influi individuojn surbaze de datumoj kiujn ĝi kolektas pri uzantoj. La entrepreno aranĝus krucmiliton por turni ĉiun teranon en Facebook-kredanton, skribis Martínez en libro (Start-Up Mania) pri sia tempo ĉe Facebook. Estinta investanto Sean Parker klarigis pasintmonate vidalvide al la retejo The Verge, ke li intertempe estas deklarita kontraŭulo de sociaj amaskomunikiloj, ĉar tiuj misuzadas la malfortojn en la homa psiko. Parenteze, li konvertiĝis nur postkiam li estis gajninta 2 miliardojn da dolaroj kaŭze de la borso-irado de Facebook.


Tuta Silicon Valley, la naskiĝejo de teĥ-entreprenoj kiel Facebook, Twitter kaj Instagram, ne taŭgas, diras Palihapitiya, ĉar tie investistoj (‘senanimaj malkuraĝuloj’) pumpas miliardojn en ‘senvalorajn, idiotajn’ entreprenojn, dum ili ignoras la verajn problemojn kiel ekzemple klimatŝanĝiĝon. Palihapitiya alvokis studentojn uzi siajn   estontajn enspezojn por ankaŭ tiel fari ion bonan. "Prenu la monon. Kaj sekvu vian moralan kompason."

Palihapitiya post momento de mem-ekzameno agis laŭ sia vorto kaj fondis investo-entreprenon, Social Capital, kiu diras koncentri sin al la disvolvo de junaj kompanioj en la sanzorgo kaj edukado-sektoro.

 

 

 

 

Ĉiuj artikoloj   |  




© januaro 2018 Toon Witkam | Powered by RosyGrass
Hosted by Bluehost.com