Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
la Nederlanda ĵurnalo NRC
https://www.nrc.nl/nieuws/2017/08/27/europese-commissie-stuurt-aan-op-harde-aanpak-van-polen-12698397-a1571281
tradukis ĝin (el la Nederlanda en Esperanton) Toon Witkam

La Eŭropa Komisiono provas atingi severan alpaŝon al Pollando

La postulo el Bruselo al Pollando, por adapti ties pridisputatajn reformojn de la jurisdikcio, tiun postulon Pollando ignoras. Sed ankaŭ Germanio senpacienciĝas.

NRC 28 aŭgusto 2017

 

Fare de nia korespondanto
Roeland Termote


La Eŭropa Komisiono sin preparas por severa batalo kun la nacia-konservativa Pola registaro, kiu daŭre pli profunde enfosas sin.

Dum la pasinta semajnfino, pasis la limdato kiu la Komisiono fine de julio estis doninta al Varsovio por revizii pridisputatajn reformojn en la Polaj jurisdikcio. Tra serio de leĝdonaj ŝanĝoj, la registara partio Juro kaj Justeco (PiS[i]) klopodas meti tribunalojn, inkluzive de Supera Kortumo kaj Konstitucia Tribunalo, sub politika kontrolo.

"Se la Pola registaro kontinuigas subfosadon de la sendependeco de la jurisdikcio kaj la konstitucia ŝtato en Pollando, ni ne havos alian elekton ol rilatigi al Artikolo 7", diris la prezidanto de la Eŭropa Komisiono Jean-Claude Juncker en julio. La tiel nomata Artikolo-7-Proceduro povas teorie konduki al prokrasto de la Pola voĉdonrajto en la Eŭropa Konsilio de registarestroj.

 

La Germana semajna gazeto Der Spiegel sciigis sabate, ke Juncker al Eŭropaj Komisaroj taskis kiel "mastruman laboron por la somero" varbadon de subteno ĉe la registaroj en siaj landoj, por pliaj paŝoj fare de la Komisiono. Artikolo-7-Proceduro komenciĝas per formala averto de la Eŭropa Konsilio. Por tio, kvar-kvina plimulto de la membroŝtatoj estas bezonata. La efektiva nuligado de la Pola voĉdonrajto postulas unuanimecon.

Tio ne ekzistas. La dekstra-konservativa Hungara registaro de ĉefministro Viktor Orbán, aliancano de Pollando, estas preskaŭ certa kontraŭvoĉo. La pozicio de la Germana registaro, decidiga voĉo en la debato, ŝajnas intertempe esti dubasenca. La social-demokrata koalicio-partnero de federacia kanceliero Merkel elektas por severa sintenado al Varsovio, sed Merkel mem ĝis nun singarde starigas sin.

 

Sed ankaŭ la kanceliero esprimas sin en ĉiam pli severaj esprimoj, pri la situacio en Pollando. Tiun ŝi nomis pasintsabate en sia ĉiusemajna podcast "tre pensema". Pri la demando ĉu la agado de la Eŭropa Unio, en membroŝtatoj kiel Pollando, ne subfosas la demokratan pluralismon en Eŭropo, Merkel diris: "Ni ne povas diri, ke la pluralismo de la membroŝtatoj estas senlima. Ĝi havas siajn limojn tie, kie demokrataj fundamentaj valoroj povas esti malobservataj."

En la fono, ne nur okazas malkonsento, inter Varsovio kaj Berlino, pri la konstitucia ŝtato. Ankaŭ ekzistas la Pola rifuzo akcepti rifuĝintojn laŭ Eŭropaj kvotoj de redistribuado. Krome, PiS antaŭvidigas planojn redukti la kvanton de Polaj amaskomunikiloj kiuj troviĝas en eksterlandaj manoj: al registaroj kritikemaj amaskomunikiloj kun Germanaj posedantoj estas ĉe tio elstara celo.

Ĉi-somere PiS ekpafis al Berlino. Serio de ministroj kaj partio-prominentoj pretendis, ke Pollando ankoraŭ havas rajton je miliardoj da Germanaj kompenspagoj pro la damaĝo suferita dum la nazia okupacio en la milito. Por la Germanoj temas pri finaranĝita afero.

 

Eĉ pli malbone estas la Polaj rilatoj kun la Francio de prezidento Macron. Tiu denove prenis sur sin, lastsemajne dum turneo tra Orient-Eŭropo, fari ion por la reformo de EU-interkonsentoj pri taĉmentado: labori en alia EU-lando laŭ la kondiĉoj de la hejmlando. La obstinajn membroŝtatojn Hungarion kaj Pollandon, li ĉe tio konscie ignoris.

 

 

[i] PiS = Prawo i Sprawiedliwosc (Juro kaj Justeco);   vidu ankaŭ: https://eo.mondediplo.com/article2339.html

 

 

 

Ĉiuj artikoloj   |  




© novembro 2017 Toon Witkam | Powered by RosyGrass
Hosted by Bluehost.com