Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
la Nederlanda ĵurnalo NRC
https://www.nrc.nl/nieuws/2017/06/28/britse-welvaartskloof-is-in-twintig-jaar-alleen-maar-groter-geworden-11340107-a1564906
tradukis ĝin (el la Nederlanda en Esperanton) Toon Witkam

La Brita riĉeco-breĉo dum dudek jaroj daŭre kreskis

La prosper-diferencoj en Britio estas grandegaj, skribas enket-komisiono. Laŭ profesoro Dorling la politiko neadekvatas.

NRC 29 junio 2017

 

Fare de  Maral Noshad Sharifi



Egalaj ŝancoj por ĉiu  –  por tio pledis Labour[i], kaj ankaŭ la Britaj Konservativuloj[ii]. Iamaj ĉefministroj Tony Blair, Gordon Brown, David Cameron diris ke ne via fono, sed via talento determinas kiom vi atingas, kaj nun ankaŭ ĉefministro Theresa May diras tion.

Sed la praktiko estas pli obstina, evidentiĝas el ĵus aperinta esplor-raporto komisiite de la registaro, pri sociala fleksebleco en Britio dum la lastaj dudek jaroj. Konkludo de la enket-komisiono: la riĉeco-breĉo kreskis, kaj pli kaj pli da junuloj havas postenon, sed tamen ne gajnas sufiĉe por siaj bezonoj.

La bona novaĵo estas ke pli da Britoj havas aliron al la universitato. Sed post tio ili tamen havas penon trovi bonan postenon. Se la sociala fleksebleco senĉese disvolviĝos je la nuna ritmo, daŭros ankoraŭ okdek jarojn antaŭ ol tiom da studentoj el malriĉaj regionoj kiom tiuj el riĉaj regionoj ekhavos superan edukadon.



Londono kaj la resto

Kie vi loĝas, tio determinas ĉiam pli emfaze la ŝancon por bona vivo, la esploristoj diras. Loĝantoj de Londono perlaboras meze preskaŭ 50.000 eŭrojn jare. En la regiono North-East tio estas malpli ol la duono: 21.655 eŭroj. En Londono, preskaŭ du trionoj de la loĝantoj estas alte edukitaj, kaj en la North-East nur unu triono.

La raporto indikas, ke la regionaj diferencoj en neniu alia Eŭropa lando estas tiel grandaj kiel en Britio. "Ne ekzistis bona politiko-implementado por haltigi tion," diris Danny Dorling, profesoro pri Sociala Geografio en la Universitato de Oksfordo. "Ĉiuj gravaj institucioj estas en Londono, kaj pro la malaperado de industrioj en aliaj partoj de la lando, kaj ankaŭ pro la pliiĝinta graveco de Londono kiel financa centro, tiu diferenco kreskis."

La revo, ke junuloj finance fartos pli bone ol siaj gepatroj, ne plu veriĝas en Britio. Kompare kun dudek jarojn antaŭe, la junulara senlaboreco malpliiĝis, sed tio estas ĉefe ĉar junuloj restas pli longe en lernejo, ankaŭ pro tio ke alie ili ne trovas laboron. En 2012 la senlaboreco estis la plej alta: 22 procentoj. Nun tio falis al 12,5 procentoj. Sed la kontraktoj estas malpli firmaj, kaj la salajroj pli malaltaj: ekde 2008 ili malpliiĝis je 16 procentoj.



Altedukitaj junuloj

Ankaŭ altedukitaj junuloj malprosperas kaj devas pli ofte labori sub sia nivelo. "92 procentoj da junaj diplomitoj havas studo-ŝuldon, foje inter 50.000 kaj 100.000 eŭroj", diras Dorling. Tio estas tiam ilia startpozicio. Aĉeti domon estiĝas daŭre pli malfacile; dum la lastaj dek jaroj, la nombro da junaj plenkreskuloj sub 25 kun propra hejmo duoniĝis.



Prosper-diferencoj

La prosper-diferenco pligrandiĝas daŭre. La 20 procentoj plejmalmulton perlaborantaj dum la pasintaj dudek jaroj antaŭeniris ĉiusemajne 13 eŭrojn. La plej riĉaj 20 procentoj antaŭeniris ĉiusemajne 388 eŭrojn.

Sed adaptita por inflacio, la meza Brito iras ĉi-jare malantaŭen. En 2008 la "averaĝa" Brito perlaboris 650 eŭrojn semajne, kaj nun ankoraŭ, adaptite por inflacio, 613 eŭrojn.

Malpliiĝanta uzebla enspezo pligrandigas la problemon de trovi tranoktejon. "Riĉaj Britoj ĉiam aĉetas pli da domoj," diras Dorling. Krome, la luprezoj enorme altiĝis. "Nur riĉaj infanoj povas, kun la helpo de siaj gepatroj, aĉeti domon."

"La problemo estas, ke la Britoj ĉiam vidas la Usonon  – kun ties grandegaj enspezo-diferencoj –  kiel ekzemplon", diras Dorling. "Ili devus preni Eŭropon kiel ekzemplon".

 

 

 

Maral Noshad Sharifi  laboras kiel ĵurnalisto ĉe NRC, inter aliaj interesaj kaj socialaj okupoj. Ŝi jam en 1993 venis al Nederlando, kiel rifunĝinto el Irano.

 

 

 

 

[i] Labour = la Brita Laborista Partio; vidu: https://eo.wikipedia.org/wiki/Brita_Laborista_Partio

[ii] la Britaj Konservativuloj, vidu: https://eo.wikipedia.org/wiki/Konservativa_Partio_de_Britio

 

 

Ĉiuj artikoloj   |  




© septembro 2017 Toon Witkam | Powered by RosyGrass
Hosted by Bluehost.com